შატილის გზაზე მომხდარმა ავტოკატასტროფამ 17 ადამიანის სიცოცხლე იმსხვერპლა, 3 კი მძიმედ დაშავდა. მიკროავტობუსი გაჩერებულ მანქანას დაეჯახა და 80 მეტრის სიმაღლიდან გადავარდა.
შემთხვევის ადგილას მობილიზებულია სამართალდამცველთა ჯგუფი. ხევში გადავარდნილი მანქანები ამ დრომდე არ ამოუყვანიათ.
შეგახსენებთ, რომ 23 აგვისტოს ჟინვალი-ბარისახო-შატილის საავტომობილო გზის 64-ე კილომეტრზე სამგზავრო მიკროავტობუსი, დაახლოებით, 80 მეტრის სიმაღლიდან კლდოვან ფერდობზე გადავარდა. მომხდარის შედეგად, 17 ადამიანი გარდაიცვალა. მძიმედ დაშავდა 3 მოქალაქე, რომლებიც პირველ საუნივერსიტეტო კლინიკაში გადაიყვანეს, ორი მათგანი რეანიმაციაშია მოთავსებული.
შინაგან საქმეთა სამინისტრომ მომხდარ ფაქტზე გამოძიება საქართველოს სსკ-ის 276-ე მუხლით დაიწყო.
