2023 წელს საქართველომ 5 მილიონ 884 ათასი დოლარის ღირებულების 619 ტონა ყურძნის ნატურალური ღვინოები შეიძინა - ინფორმაციას BMG ავრცელებს. როგორც გამოცემა წერს, ოფიციალური სტატისტიკის მიხედვით, ღვინის სამშობლოში, სადაც ადგილობრივი წარმოების ღვინო უმსხვილეს საექსპორტო საქონელს წარმოადგენს, იმპორტირებული ღვინის ღირებულება წლიურად 17.3%-ით გაიზარდა, მოცულობა კი 10.3%-ით შემცირდა.
გასულ წელს საქონლის იმპორტი, ფაქტობრივად 27 ქვეყნიდან განხორციელდა. მთავარი საიმპორტო ქვეყნები მსოფლიოში ღვინის უმსხვილესი მწარმოებლები საფრანგეთი, იტალია და ესპანეთი არიან.
2023 წელს ღვინის უმსხვილესი საიმპორტო ქვეყნების რეიტინგი ასეთია:
- საფრანგეთი - $2.5 მლნ, 109 ტონა;
- იტალია - $1.8 მლნ, 269 ტონა;
- ესპანეთი - $286 ათასი, 50 ტონა;
- ლიეტუვა - $245 ათასი, 12 ტონა;
- რუსეთი - $170 ათასი, 62 ტონა;
- გერმანია - $119 ათასი, 13 ტონა;
- ლატვია - $74 ათასი, 11 ტონა;
- შვეიცარია - $66 ათასი, 0.06 ტონა;
- ნიდერლანდები - $56 ათასი, 1.6 ტონა;
- ჰონ-კონგი - $47 ათასი, 14 ტონა;
მცირე მოცულობებით ღვინო ასევე შემოვიდა:
- პოლონეთიდან,
- სამხრეთ აფრიკიდან,
- პორტუგალიიდან,
- სომხეთიდან,
- აშშ-დან,
- ბელგიიდან,
- ჩილედა,
- ბელარუსიდან,
- გაერთიანებული სამეფოდან,
- ავსტრიიდან,
- არგენტინიდან,
- ისრაელიდან,
- არაბთა გაერთიანებული საამიროებიდან,
- უკრაინიდან,
- ლუქსემბურგიდან,
- დანიიდან,
- კანადიდან და სხვა ქვეყნებიდან.
საქსტატის მიერ გამოცემისთვისთვის მიწოდებული ინფორმაციით, ამ პერიოდში ქვეყანაში ღვინის იმპორტიორი TOP-5 კომპანიის ჩამონათვალი ასეთია: შპს ბკ-იმექს; შპს გ.დ. ალკო; შპს დრანკ ოკტოპუს დისტრიბუცია; შპს ლაქჟერი ბრენდზ; შპს სილქ გასტრონომი.
