იანვარში ადგილობრივ ექსპორტში უმსხვილეს საექსპორტო ქვეყნებს შორის პირველ ადგილზე რუსეთი იყო | საქსტატის მონაცემები

საქსტატის ცნობით, 2024 წლის იანვარში საქართველოდან განხორციელებული საქონლის ექსპორტის მოცულობამ (არადეკლარირებული ექსპორტის გარეშე) 338.6 მლნ. აშშ დოლარი შეადგინა, რაც 26.2%-ით ნაკლებია გასული წლის შესაბამის მაჩვენებელზე.

ადგილობრივი ექსპორტი (ექსპორტი რეექსპორტის გარეშე), მთლიანი ექსპორტის 46.7 პროცენტს შეადგენს. აღნიშნული მაჩვენებელი წინა წელთან შედარებით 38.9 პროცენტით შემცირდა და 158.2 მლნ. აშშ დოლარს გაუტოლდა.

2024 წლის იანვარში 10 უმსხვილესი ქვეყნის წილმა საქართველოს მთლიან ადგილობრივ ექსპორტში 76.7 პროცენტი შეადგინა. ამ მხრივ, უმსხვილესი საექსპორტო პარტნიორებია:

1. რუსეთი 33.7 მლნ. აშშ დოლარი,
2. თურქეთი 26.3 მლნ. აშშ დოლარი
3. ჩინეთი 17.9 მლნ. აშშ დოლარი
4. აზერბაიჯანი 8 045.2  აშშ დოლარი
5. უკრაინა 7 848.4 აშშ დოლარი
6. სომხეთი 7 410.2 აშშ დოლარი
7. შვეიცარია 6 229.4 აშშ დოლარი
8. საბერძნეთი 6 229.4 აშშ დოლარი
9. გერმანია 4 817.4 აშშ დოლარი
10. რუმინეთი 3 923.5 აშშ დოლარი

2024 წლის იანვარში ადგილობრივი ექსპორტის ათეულში პირველ ადგილზე ფეროშენადნობები არის წარმოდგენილი 19.4 მლნ. აშშ დოლარით, აღნიშნული სასაქონლო ჯგუფის წილი მთლიანი ადგილობრივი ექსპორტის 12.3 პროცენტს შეადგენს. მეორე ადგილზეა ყურძნის ნატურალური ღვინოები 18.0 მლნ. აშშ დოლარით (მთლიანი ადგილობრივი ექსპორტის 11.3 პროცენტი), ხოლო მესამე ადგილს ძვირფასი ლითონების მადნები და კონცენტრატები იკავებს 14.1 მლნ. აშშ დოლარით (მთლიანი ადგილობრივი ექსპორტის 8.9 პროცენტი).