ჩვენთან ერთად მოიპოვეთ თავისუფლება!
თბილისის სამედიცინო უნივერსიტეტის პირველი საუნივერსიტეტო კლინიკის დირექტორის, ლალი ტურძელაძის თქმით, შატილის ავარიისას დაშავებული 3 პაციენტიდან 1 კლინიკიდან უკვე გაწერეს, 2 კი მკურნალობას განაგრძობს.
ტურძელაძე ამბობს, რომ დარჩენილი 2 პაციენტის მდგომარეობა დამაკმაყოფილებელია.
შეგახსენებთ, რომ 23 აგვისტოს ჟინვალი-ბარისახო-შატილის საავტომობილო გზის 64-ე კილომეტრზე სამგზავრო მიკროავტობუსი, დაახლოებით, 80 მეტრის სიმაღლიდან კლდოვან ფერდობზე გადავარდა. მომხდარის შედეგად, 17 ადამიანი გარდაიცვალა. მძიმედ დაშავდა 3 მოქალაქე, რომლებიც შემთხვევისთანავე პირველ საუნივერსიტეტო კლინიკაში გადაიყვანეს.
ტრაგედიის გამო 25 აგვისტო გლოვის დღედ გამოცხადდა.
