"ჩვენი წინააღმდეგობის სიმბოლოდ გადაიქცა თეთრ ნაჭერზე შავი წერტილი და ეს დროშა ყველამ ფანჯრიდან გადმოფინოს" | "ერთიანობა ნაციონალური მოძრაობის" ინიციატივა
გამოქვეყნდა:
"ერთიანობა ნაციონალური მოძრაობა" გამოდის ინიციატივით, რომ მოქალაქეებმა თეთრი ქსოვილი შავი წერტილით ფანჯრებიდან გადმოფინონ, როგორც გაყალბებული არჩევნების სიმბოლო.
"გვაქვს ერთი წინადადება ქართველი საზოგადოებისთვის. ეს ყველას ძალიან მარტივად შეუძლია გააკეთოს. გვინდა, რომ მთელს ქალაქში და შემდეგ უკვე მთელს ქვეყანაშიც ჩანდეს ის, რომ ადამიანებს აწუხებთ ის მდგომარეობა, რომელშიც ჩვენ დღეს ვიმყოფებით. მოგეხსენებათ, რომ ჩვენი წინააღმდეგობის სიმბოლოდ თეთრ ნაჭერზე შავი წერტილი გადაიქცა. ჩვენი წინადადებაა, რომ ყველამ შეღებოს თეთრი ნაჭერი და გადმოფინოს ფანჯრიდან, როგორც დროშა. ადამიანები დაინახავენ, რომ ჩვენ ვართ ბევრი; რომ ეს საკითხი გვაწუხებს; რომ მარტო ერთ ადგილას კი არ ხდება აქცია, არამედ მთელს ქალაქში და ქვეყანაში" - განაცხადა პარტიის მიერ გამართულ აცია-პერფორმანსზე ლაშა ბაქრაძემ.
