ქუთაისში, გასულ ღამეს დაკავებული სამოქალაქო აქტივისტი მიშიკო მუმლაძე სამტრედიაში, დროები მოთავსების იზოლატორშია მოთავსებული. ცოტა ხნის წინ ის ადვოკატმა მოინახულა. სასამართლო პროცესი ქუთაისის საქალაქო სასამართლოში სავარაუდოდ, დღის მანძილზე ჩაინიშნება. მუმლაძეს პოლიციის კანონიერი მოთხოვნისადმი დაუმორჩილებლობას ედავებიან.
მუმლაძე სამართალდამცველებმა ძალადობრივი მეთოდებით დააკავეს.
"ოცნების" თვითგამოცხადებული ხელისუფლების გადაწყვეტილებას, რომელმაც ევროკავშირთან მოლაპარაკებების პროცესი შეაჩერა, ქუთაისში დღესაც გააპროტესტებენ. დღის განმავლობაში აქციების დაანონსებული ქალაქის სხვადასხვა ადგილას, სხვადასხვა ჯგუფების მიერ.
13 საათზე ქუთაისელები მესხიშვილის თეატრთან შეიკრიბებიან, 17 საათზე კი მერიასთან.
აქცია დაიგეგმა გორშიც. მოქალაქეები 15 საათზე, გორის ცენტრალურ მოედანზე გამოვლენ. მათი თქმით, იქამდე სანამ, დედაქალაქში დაგეგმილ მასშტაბურ საპროტესტო აქციას შეუერთდებიან, საკუთარ პროტესტს ნაომარ ქალაში გამოხატავენ.
ისინი მოუწოდებენ ყველას, ვისთვისაც მნიშვნელოვანია ქვეყნის ევროპული მომავლის გადარჩენა, გამოვიდნენ ქუჩაში.
