19 ოქტომბრიდან, აჭარის გარდა, სტუდენტები აუდიტორიებში დაბრუნდებიან - ჩხენკელი
გამოქვეყნდა:
უწყებათაშორისო საკოორდინაციო საბჭოს დღევანდელ ბრიფინგზე საქართველოს განათლების, მეცნიერების, კულტურისა და სპორტის მინისტრმა, მიხეილ ჩხენკელმა თქვა, რომ აჭარის გარდა, 19 ოქტომბრიდან მთელი ქვეყნის ტერიტორიაზე სტუდენტები სასწავლო პროცესს აუდიტორიაში განაახლებენ.
აქვე, ბაღებში მუშაობას 12 ოქტომბრიდან დაიწყებენ, 1 ოქტომბრიდან კი 1-დან მე-6 კლასის ჩათვლით მოსწავლეებს ექნებათ არჩევანის უფლება, სწავლა დისტანციურად გააგრძელონ, თუ საკლასო ოთახში. საუბარია თბილისის, ქუთაისის, რუსთავისა და ზუგდიდის სკოლებზე.
