"საერთაშორისო გამჭვირვალობა საქართველო" ქალებისთვის ინფორმაციას ავრცელებს, რა უნდა იცოდნენ მათ, დაკავების შემთხვევაში:
თუ თქვენ დაგაკავეს და გადაგიყვანეს დროებითი მოთავსების იზოლატორში, უნდა იცოდეთ, რომ პირადი დათვალიერება :
- ხდება იზოლირებულად და უნდა ჩაატაროს ქალმა;
- ვიდეომეთვალყურეობის შესახებ უნდა იყოთ ინფორმირებული;
- დაუშვებელია თქვენი სრული გაშიშვლება;
- სხეულის ცალკეული ნაწილის დათვალიერება, მაგალითად, ან დაზიანების შემოწმება ვიდეოკამერის თვალთახედვის არეალში არ უნდა იყოს მოქცეული;
- დროებითი მოთავსების იზოლატორში, ქალები უნდა განთავსდნენ კაცებისგან განცალკევებით;
- ორსული ქალი უნდა განთავსდეს ცალკე;
- უზრუნველყოფილი უნდა იყვნენ დამატებით გენდერსპეციფიური ჰიგიენური საშუალებებით;
დროებითი მოთავსების იზოლატორში მოვსებულს უფლება აქვს მოითხოვოს ადვოკატთან, სახალხო დამცველის ცხელ ხაზზე [1481], სპეციალურ საგამოძიებო სამსახურის ცხელ ხაზზე [199] დაკავშირება.
ზარი უნდა უზრუნველყოს იზოლატორის ადმინისტრაციამ.
ცნობისთვის, არასამთავრობო ორგანიზაციებმა დღეს აქციებზე დაკავებული ქალების წინააღმდეგ განხორციელებულ ძალადობაზე, სექსუალურ შევიწროებასა და გაუპატიურების მუქარაზე ისაუბრეს.
