დროებით ოკუპირებული გალის რაიონის სოფელ საბერიოში ხანძრის შედეგად დაღუპულ 5 ბავშვს დღეს დაკრძალავენ.
აფხაზეთის დეფაქტო რეჟიმმა 100-ზე მეტი ადამიანისთვის, დაკრძალვაზე დასასწრებად, ე.წ. საშვი დაუშვა. მათ შორის ბავშვების ახლობლები და მასწავლებლები არიან.
უბედური შემთხვევა 5 იანვარს მოხდა.
არსებული ინფორმაციით, ბავშვების ბებიას ღუმელის ანთებისას ბენზინი ნავთში აერია, რის შედეგადაც სახლს ცეცხლი მოედო. ხის სახლი მოკლე დროში სრულად დაიწვა.
ბავშვები, რომელთაგან ყველაზე უფროსი 7 წლისაა, უმცროსი კი რამდენიმე თვის, ადგილზევე დაიღუპნენ. დაშავებული ქალი სამკურნალოდ გალის საავადმყოფოშია გადაყვანილი.
ავტორი: ემა გოგოხია
