"გიორგი გახარიაზე თავდასხმა არის ზუსტად ის, რასაც კრიმინალური რუსული ხელისუფლება ჰქვია!" | მამუკა ხაზარაძე
გამოქვეყნდა:
კოალიცია "ძლიერი საქართველოს" ლიდერი, მამუკა ხაზარაძე ბათუმში, გიორგი გახარიაზე თავდასხმას ეხმაურება და ამბობს, რომ "გახარიაზე თავდასხმა არის ზუსტად ის, რასაც კრიმინალური რუსული ხელისუფლება ჰქვია!".
"კრიმინალური, არალეგიტიმური ხელისუფლება მშვიდობიანი აქციების დარბევის, მასობრივი დაპატიმრებებისა და რეპრესიების შემდეგ უკვე პოლიტიკურ ოპონენტებზე ფიზიკურ ანგარიშსწორებაზე გადავიდა! "ქართული ოცნების" ვითომ პოლიტიკოსები, სინამდვილეში კი ზონდერები საქართველოში თუ მის ფარგლებს გარეთ ნიღაბს უკვე მთლიანად იხსნიან. გიორგი გახარიაზე თავდასხმა არის ზუსტად ის, რასაც კრიმინალური რუსული ხელისუფლება ჰქვია! გიორგის მალე გამოჯანმრთელებას ვუსურვებ, "ოცნების" კრიმინალურ ბანდას კი მალე გავიტანთ პოლიტიკური სცენიდან! ყველა მოძალადე კანონის სრული სიმკაცრით დაისჯება!", - წერს ხაზარაძე სოციალურ ქსელში.
დღეს ღამით, ბათუმში, ოლიგარქის "დეპუტატი" სამხარაძე, თანმხლებ პირებთან ერთად, ჯგუფურად, თავს დაესხა გიორგი გახარიას და ფიზიკურად გაუსწორდა.
