2025 წლის იანვარში საქართველოს ოფიციალური საერთაშორისო რეზერვები წლიურად 8.7%-ით შემცირდა და $4.4 მილიარდი შეადგინა
გამოქვეყნდა:
2025 წლის იანვარში ოფიციალური საერთაშორისო რეზერვები წლიურად 8.7%-ით შემცირდა და 4.4 მლრდ აშშ დოლარი შეადგინა. ამასთან, იანვარში წინა თვესთან შედარებით რეზერვები 0.4%-ით შემცირდა (-18.5 მლნ აშშ დოლარი). ამის შესახებ საქართველოს ეროვნული ბანკის მონაცემებზე დაყრდნობით "გალტ ენდ თაგარტი" წერს.
რეზერვების ცვლილება უკავშირდება მთავრობის და/ან საბანკო სექტორის სავალუტო ოპერაციებს, ასევე, სავარაუდოდ, სებ-ის მიერ უცხოური ვალუტის ყიდვა/გაყიდვას BMatch-ის პლატფორმის გამოყენებით (ინფორმაცია ხელმისაწვდომი იქნება 25 თებერვალს).
აღსანიშნავია, რომ 2025 წლის იანვრის მდგომარეობით მონეტარული ოქრო მთლიანი საერთაშორისო რეზერვების 14.4%-ს შეადგენს.
