"ტავ ჯორჯიას" ინფორმაციით, ბათუმის აეროპორტში ავიამიმოსვლა აღდგა და უკვე გაფრინდა პირველი რეისი თელ-ავივის მიმართულებით:
"ბათუმის საერთაშორისო აეროპორტში ფრენები განახლდა. ალექსანდრე ქართველის სახელობის აეროპორტიდან უკვე გაფრინდა პირველი რეისი თელ-ავივის მიმართულებით და დღეს, 26 თებერვალს კიდევ 12 საერთაშორისო რეისია დაგეგმილი." ნათქვამია ინფორმაციაში.
მეტეოროლოგიური პირობების გამო ავიაკომპანიებს 2 დღის განმავლობაში ბათუმის აეროპორტში ფრენა შეჩერებული ჰქონდათ. დიდთოვლობამ ბათუმის აეროპორტის შესასვლელში გადახურვაც დააზიანა. მისი აღდგენითი სამუშაოებიც დასრულებულია.
