"საკონსტიტუციოს შეეძლება აკრძალოს პარტია, რომლის გაცხადებული მიზანი და პერსონალური შემადგენლობა მის მიერ უკვე აკრძალული პარტიის საქმიანობის არსსა და შემადგენლობას გაიმეორებს" | დაგეგმილი ცვლილებები
გამოქვეყნდა:
ოლიგარქის პარტიის მიერ დაგეგმილი ცვლილებების თანახმად, საკონსტიტუციო სასამართლოს შეეძლება აკრძალოს პარტია, რომლის გაცხადებული მიზანი, საქმიანობის არსი - მათ შორის პერსონალური შემადგენლობა სასამართლოს მიერ უკვე აკრძალული პარტიის გაცხადებულ მიზანს, საქმიანობის არსსა და პერსონალურ შემადგენლობას იმეორებს.
ცვლილებები "მოქალაქეთა პოლიტიკური გაერთიანებების შესახებ" კანონშია დაგეგმილი. პარტიის აკრძალვა მხოლოდ საკონსტიტუციო სასამართლოს გადაწყვეტილებით შეიძლება.
"საქართველოს საკონსტიტუციო სასამართლოს შეუძლია აკრძალოს პარტია, რომლის გაცხადებული მიზანი ან/და საქმიანობის არსი (მათ შორის, პერსონალური ან/და შესაბამის საარჩევნო კომისიაში წარდგენილი პარტიული სიის შემადგენლობა) არსებითად იმეორებს ამ მუხლის პირველი პუნქტის საფუძველზე საქართველოს საკონსტიტუციო სასამართლოს მიერ აკრძალული პარტიის გაცხადებულ მიზანს ან/და საქმიანობის არსს (მათ შორის, პერსონალურ შემადგენლობას)", - წერია განმარტებით ბარათში.
ამავე თემაზე:
