2024 წელს ავტომობილების და ტექნიკის მოვლა-შენახვაში სახელმწიფო ბიუჯეტიდან 178 მილიონი, რესტორნებსა და საჩუქრებში კი 30 მილიონი დაიხარჯა | IDFI
გამოქვეყნდა:
2024 წელს სახელმწიფო ბიუჯეტიდან გაწეული შრომის ანაზღაურების ხარჯები წინა წელთან შედარებით 19%-ით (409 მილიონი ლარით) გაიზარდა. ამის შესახებ ინფორმაციას ინფორმაციის თავისუფლების განვითარების ინსტიტუტი (IDFI) ავრცელებს.
IDFI-ის მიმოხილვაში აღნიშნულია, რომ სახელმწიფო ბიუჯეტიდან შტატგარეშე მოსამსახურეთა ანაზღაურებაზე გაწეული ხარჯები 2013 წლის შემდეგ ყოველწლიურად იზრდება (შტატგარეშე მოსამსახურეთა ანაზღაურების ხარჯი 90.7 მილიონი ლარიდან, 592.6 მილიონ ლარამდე გაიზარდა).
"2024 წელს ავტომობილების და ტექნიკის ექსპლუატაციისა და მოვლა შენახვის ხარჯებმა 178 მილიონი ლარი შეადგინა, რაც რეკორდული მაჩვენებელია.
2024 წელს სახელმწიფო ბიუჯეტიდან წარმომადგენლობით ღონისძიებებზე (სარესტორნო მომსახურება, საჩუქრები და ა.შ.) 30.8 მილიონი ლარი დაიხარჯა
2024 წელს სახელმწიფო სსიპ-ებში და ა(ა)იპ-ებში (მუნიციპალიტეტების გარდა) დასაქმებული იყო 189.5 ათასი პირი, რაც რეკორდული მაჩვენებელია.
ბოლო 10 წლის მანძილზე სსიპ-ების და ა(ა)იპ-ების შტატგარეშე თანამშრომელთა რაოდენობა დაახლოებით გაორმაგდა და 73.6 ათასი ადამიანი შეადგინა. ბოლო ერთ წელში ზრდა 25%-ია." - აღნიშნულია IDFI-ის ინფორმაციაში.
