კომბოსტო, ბადრიჯანი, ოქროს ბეჭედი | რა გაძვირდა ყველაზე მეტად მარტის თვეში

2025 წლის მარტში წინა თვესთან შედარებით ინფლაციის დონემ საქართველოში 1.1%, ხოლო წლიური ინფლაციის დონემ 3.5% შეადგინა.

რაც შეეხება საბაზო ინფლაციას, აღნიშნულმა მაჩვენებელმა 2025 წლის მარტში, გასული წლის შესაბამის პერიოდთან შედარებით 2.4% შეადგინა, ხოლო თამბაქოს გარეშე წლიური საბაზო ინფლაციის მაჩვენებელი ასევე 2.4%-ით განისაზღვრა.

ყოველთვიური ინფლაციის მაჩვენებლის ფორმირებაზე ძირითადი გავლენა იქონია ფასების ცვლილებამ შემდეგ ჯგუფებზე:

სურსათი და უალკოჰოლო სასმელები: ჯგუფში ფასები გაიზარდა 2.8 პროცენტით. ჯანმრთელობის დაცვა: ჯგუფში ფასები მომატებულია 1.7 პროცენტით. ტანსაცმელი და ფეხსაცმელი: ჯგუფში ფასები მომატებულია 1.0 პროცენტით.

წლიური ინფლაციის ფორმირებაზე ძირითადი გავლენა იქონია ფასების ცვლილებამ შემდეგ ჯგუფებზე:

სურსათი და უალკოჰოლო სასმელები: ჯგუფში ფასები გაიზარდა 6.6 პროცენტით. ჯანმრთელობის დაცვა: ჯგუფში ფასები მომატებულია 8.8 პროცენტით. სხვადასხვა საქონელი და მომსახურება: ჯგუფში ფასები გაიზარდა 6.3 პროცენტით. კავშირგაბმულობა: ჯგუფში ფასები შემცირებულია 12.4 პროცენტით, 

იმ პროდუქტების და მომსახურების ათეული, რომელიც მარტში წინა წლის შესაბამის თვესთან შედარებით ყველაზე მეტად გაძვირდა

კომბოსტო - გაძვირდა 84%-ით
კივი 51%
ბადრიჯანი 46%
მწვანილი 42%
პომიდორი 34%
ქორწინების 958 სინჯის ოქროს ბეჭედი 29%
კიტრი 28%
მანდარინი 27%
ლიმონი 27%
საავადმყოფოს მომსახურება 22%

იმ პროდუქტების და მომსახურების ათეული რომელიც ყველაზე მეტად გაიაფდა

ინტერნეტის გადასახდელი 40%
ვაშლი 19%
ჭიქა 15%
ატამი 14%
შპალერი 13%
ყურძენი 13%
თეფში 13%
სიმინდის ფქვილი 12%
ავტომობილის საბურავი 12%
ბავშვის ქურთუკი 11%

პოპულარული პროდუქტებიდან:

ხაჭაპური საცხობში გაძვირდა 8%-ით, ხაჭაპური კაფეში 3-ით, ხინკალი რესტორანში 13%-ით, ქარხნული რძე 5%-ით, ყვავილი 5%-ით  შოკოლადის ფილა 13%-ით, ბინის ქირა 2%, ყავა კაფეში გაძვირდა 7%-ით,  ჩამოსასხმელი ღვინო გაძვირდა 8%-ით, ბოთლებში ჩამოსხმული ღვინო გაიაფდა 3%-ით, თვითმფრინავით მგზავრობა გაიაფდა 7%-ით. სასახლის დამზადება გაიაფდა 5%,