ქალაქ თბილისის პოლიციის უფროსად ლაშა გოგნიაშვილი დაინიშნა. ინფორმაცია "მთავარი არხის" ვებგვერდს შსს-ში დაუდასტურეს. გოგნიაშვილი გურიის პოლიციის დეპარტამენტის დირექტორის თანამდებობას იკავებდა. ჯერჯერობით უცნობია, ვინც შეცვლის მას.
თბილისის პოლიციის ხელმძღვანელის თანამდებობა კი ვაკანტური მას შემდეგ გახდა, რაც სულხან თამაზაშვილი "ოცნებამ" აჭარის მთავრობის თავმჯდომარედ დანიშნა.
ვრცელდებოდა ინფორმაცია, რომ თამაზაშვილის შემცვლელად გრიგოლ ბესელია განიხილებოდა, რომელმაც აჭარის ავტონომიური რესპუბლიკის პოლიციის დეპარტამენტის დირექტორის თანამდებობა გუშინ დატოვა.
