9 აპრილთან დაკავშირებით განცხადებაში რუსეთს არც "ოცნების" თავდაცვის მინისტრი ახსენებს და გმირებს "მშვიდობიანი საპროტესტო აქციის დროს დაღუპულებად" მოიხსენიებს

გამოქვეყნდა:

"ოცნების" თავდაცვის მინისტრი, ირაკლი ჩიქოვანი 9 აპირლთან დაკავშირებით სოციალურ ქსელში განცხადებას ავრცელებს, სადაც რუსეთი ნახსენები არაა.

გარდა ამისა, ჩიქოვანი 9 აპრილის გმირებს "მშვიდობიანი საპროტესტო აქციის დროს დაღუპულებად" მოიხსენიებს.

"ქედს ვიხრი 9 აპრილს მშვიდობიანი საპროტესტო აქციის დროს დაღუპული ჩვენი გმირების ხსოვნის წინაშე. 1989 წლის 9 აპრილი საქართველოს უახლოეს ისტორიაში ერთ-ერთი უმნიშვნელოვანესი თარიღია, რომელიც ჩვენი ერის თავგანწირვისა და სიმტკიცის მკაფიო მაგალითია. დღე, როდესაც გაცხადდა ქართველთა ერთიანობა და სამოქალაქო თანხმობა ქვეყნის თავისუფლებისთვის. სწორედ ასეთ სიმბოლურ დღეს, ზუსტად ორი წლის შემდეგ, 1991 წლის 9 აპრილს შედგა საქართველოს სახელმწიფოებრივი დამოუკიდებლობის აღდგენის აქტი. ამ დღეს ხალხმა რეფერენდუმზე გამოხატა ჩვენი ერის ერთსულოვანი გადაწყვეტილება, ჩვენი სახელოვანი წინაპრების, დაღუპული გმირების ბრძოლისა და თავდადების შედეგი", - წერს ჩიქოვანი.

ცნობისთვის, 9 აპრილთან დაკავშირებით სოციალურ ქსელში განცხადებები "ოცნების" დეპუტატებმა, მამუკა მდინარაძემ და ნინო წილოსანმა გაავრცელეს, თუმცა საკუთარ განცხადებებში რუსეთი და მისი არმია არც მათ უხსენებიათ

მანამდე, 9 აპრილთან დაკავშირებით განცხადება ირაკლი კობახიძემ გაავრცელა, სადაც წერია, რომ ამ დღეს საქართველოს მოქალაქეების წინააღმდეგ ძალადობა "უცხოურმა ძალამ" განახორციელა.
მთელ განცხადებაში, კობახიძეს რუსეთი და მისი არმია არც ერთხელ უხსენებია. 

მთავარი 21:00
უყურეთ ბოლო გამოშვებას

იხილეთ ჩვენს ეთერში

დღის მთავარი