ზუგდიდში ავარიის შედეგად დაშავებული არასრულწლოვნებიდან ერთ-ერთის მდგომარეობა კრიტიკულად მძიმეა | ის თბილისში გადაიყვანეს
გამოქვეყნდა:
ზუგდიდში ავარიის შედეგად დაშავებული არასრულწლოვნებიდან ერთ-ერთის მდგომარეობა კრიტიკულად მძიმეა. ის გასულ ღამეს თბილისში "ამერიკულ ჰოსპიტალში" გადაიყვანეს.
არასრულწლოვანს ავარიის შემდეგ ზუგდიდის რეფერალურ საავადმყოფოში ნეიროქირურგიული ოპერაცია ჩაუტარდა. ასევე დაზიანებული ჰქონდა ღვიძლი, რასაც ქირურგიული ჩარევა დასჭირდა.
მეორე არასრულწლოვანი ქუთაისის საავადმყოფოში რეანიმაციულ განყოფილებაში რჩება. მისი მდგომარეობა სტაბილურად მძიმეა.
შეგახსენებთ, რომ ზუგდიდში კომბინატის დასახლებაში, თამარ მეფის ქუჩაზე, 14 მაისს, VITO-ს ტიპის მიკროავტობუსი ტროტუარზე მიმავალ 3 არასრულწლოვანს დაეჯახა. შემთხვევაში მონაწილე მძღოლი მ.ჩ დაკავებულია.
[ფოტო: "ოდიში ტვ"]
