დატბორილი სარდაფები, ნესტიანი კედლები და ჭერი - მთავრობის დახმარება დევნილებს
გამოქვეყნდა:
ქუთაისში დევნილები ხელისუფლების მიერ საზეიმოდ გადაცემულ ბინებზე უარს ამბობენ. დევნილების თქმით, ბინებში გაუსაძლისი პირობებია. დატბორილი სარდაფები, ნესტიანი კედლები და ჭერი, სამშენებლო მასალებით სავსე ოთახები - ასეთი სურათი დახვდათ დევნილებს ახალ საცხოვრებლებში.
"მე ვარ პენსიონერი, არავინ ჩემი დამხმარე არ არის. რა ვქნა, როგორ მოვიქცე, არ ავიღებ ბინას იმიტომ, რომ მე მოვკვდები - ძვლები მტკივა, ავადმყოფი ქალი ვარ, დაავადებული, 27 წელიწადი ამ ნესტიან ოთახს ველოდი?" - ამბობ, ერთ-ერთი დევნილი.
როგორც აღმოჩნდა, "ქართულმა ოცნებამ" დევნილებთან საარჩევნო შანტაჟსა და მუქარასაც მიმართა .
"ყველას უთხრეს, რომ ვინც ოცნებას არ მისცემს ხმას, ის ბინას ვერ მიიღებსო. პირადად ჩემი მონაცემები ჩაიწერეს და ყველას ასე ჩააწერინეს,"- ამბობს, დევნილი
დევნილებს იმედი აქვთ, რომ ხელისუფლება შეიცვლება და ისინი მაინც გადასცემენ ბინებს, რომელშიც არ იქნება არაადამიანური პირობები.
