პანდემიის განავლობაში ქვეყნის სხვადასხვა ქალაქების 12-მა მუნიციპალიტეტმა ჯამში 2,2 მილიონი ლარის ატრაქციონები შეიძინა. ინფორმაციას "ფლანგვის დეტექტორი" ავრცელებს.
მათი მონაცემებით, ყველაზე მეტი ატრაქციონებში - 800 000 ლარი გორის მერიამ დახარჯა. შემდეგ მოდის თბილისის მერია - 647 ათასი ლარის დანახარჯით, შემდეგ ბათუმის მერია, რომელმაც 646 ათასი ლარის ატრაქციონები იყიდა, ამის შემდეგ კი ფოთის მერიაა – 299 ათასი ლარის დანახარჯით.
გარდა ამისა, როგორც "ფლანგვის დეტექტორის" მონაცემებით ირკვევა, თბილისის მერიამ ხელშეკრულება გააფორმა კომპანია გრინსერვის+-თან, რომლის მესაკუთრეები - ძველი თბილისის ყოფილი გამგებელი და მისი ყოფილი მოადგილე, ლაშა ფურცხვანიძე და კობა ხარშილაძე, სამეწარმეო საქმიანობაში უკანონო მონაწილეობისა და უკანონო შემოსავლის ლეგალიზაციისთვის იყვნენ დაკავებულები.
