პროტესტის 34-ე დღე ბათუმში - აჭარის მთავრობის სახლთან საინფორმაციო აქცია იმართება
გამოქვეყნდა:
უცვლელ მოთხოვნებით უწყვეტი პროტესტი გრძელდება აჭარაში. ბათუმში, აჭარის მთავრობის სახლის წინ სცენა უკვე მოეწყო, სადაც აქცია დღესაც იმართება - მას საინფორმაციო შინაარსი ექნება და ოპოზიციური პარტიების ლიდერები სამომავლო გეგმებს გააცნობენ შეკრებილებს.
"ვაგრძელებთ ბრძოლას ყოვედღიურ რეჟიმში, თავისუფლების კვარტალში. ვიბრძვით, რათა ხალხს დაუბრუნდეს თავისუფალი არჩევნები", - ამბობს "ლელოს" წევრი, ალექსანდრე მილორავა.
"34-ე დღეა, რაც აქ, თავისუფლების კვარტალში უწყვეტ რეჟიმში მიმდინარეობს აქცია. ჩვენი მოთხოვნები უცვლელია. როდესაც მოსახლეობას პარავ არჩევნებს, კომპრომისი საკუთარი მოქალაქეებისადმი პატივისცემაა", - თქვა აქციის ერთერთმა მონაწილემ.
ცნობისთვის, საინფორმაციო აქციის დაწყებამდე ახალგაზრდული ორგანიზაციების წევრები ბათუმის წინასწარი დაკავების იზოლატორთან მივიდნენ და აქციის დროს დაპატიმრებულ ირაკლი ჩხვირკვიას სოლიდარობა გამოუცადეს.
ავტორი: თეა ვაშალომიძე
