გაათავისუფლეთ სექტორი საშემოსავლო გადასახადისგან - გამომცემლები განათლების მინისტრს

წიგნის გამომცემელთა და გამავრცელებელთა ასოციაციამ მთავრობას, კერძოდ კი განათლების მინისტრს მიხეილ ჩხენკელს, ღია წერილი გაუგზვნა და პანდემიის დროს  საგამომცემლო სექტორის გადასარჩენად ფინანსური დახმარება თხოვა. 

გამომცემლები საშემოსავლო გადასახადებისგან გათავისუფლებას და წიგნის მაღაზიებისთვის მუშაობის უფლებას ითოხვენ.

• "წერილის მიზეზი არის ის, რომ მეორე ჩაკეტვამ კიდევ უფრო რთულ მდგომარეობაში ჩააგდო საგამომცემლო სექტორი, 6 თვით მაინც უნდა გათავისუფლდეს ჩვენი სექტორი საშემოსავლო გადასახადისგან" –ამბობს წიგნის გამომცემელთა და გამავრცელებელთა ასოციაციის თავმჯდომარე გვანცა ჯობავა

• "საფრთხეშია წიგნის გამოცემის საქმე საქართველოში, ყველა დანაზოგი, რაც გამომცემლებს ჰქონდათ ამოწურულია "–ამბობს "გამომცემლობა ინტელექტის" დამფუძნებელი ზვიად კვარაცხელია.

• "წიგნის სექტორს აქვს განსაკუთრებული გამოწვევები, ამ სექტორში დასაქმებულ ადამიანებს ჭირდებათ წლობით მუშაობა, რომ იმ ხარისხში იმუშაონ, როგორც მუშაობდნენ პანდემიამდე." – ამბობს მწერალი ტორესა მოსი.

"მოგმართავთ თხოვნით, უმოკლეს დროში აღმოუჩინოთ წიგნის მაღაზიებს, გამომცემლობებსა და გამავრცელებელ ორგანიზაციებს რეგულაციური, ასევე ფინანსური თუ სხვა ტიპის მხარდაჭერა, პანდემიის პერიოდში სრულად გაათავისუფლოთ სექტორი საშემოსავლო გადასახადისგან და მაქსიმალურად დაჩქარებულ რეჟიმში გახსნათ წიგნის მაღაზიები, ვინაიდან სწორედ აღნიშნული სექტორის სტაბილურობა და წინსვლა გარდაუვლად აისახება ჩვენი ქვეყნის კეთილდღეობასა და წარმატებულ მომავალზე.

მწვავე სიტუაციიდან გამომდინარე, აუცილებელად მიგვაჩნია სახელმწიფოს მხრიდან შესაბამისი და დროული ღონისძიებების გატარება წიგნის სექტორის დასახმარებლად. ვინაიდან ფინანსური თუ სხვა სახის შეღავათები სასიცოცხლოდ მნიშვნელოვანია როგორც საგამომცემლო სფეროსათვის, ისე ზოგადად ქართული წიგნის სექტორის გადარჩენისათვის." – ნათქვამია წიგნის გამომცემელთა ასოციაციის წერილში.

 შეგახსენებთ, რომ საკოორდინაციო საბჭოს გადაწყვეტილებით, 28 ნომებრიდან 31 იანვრის ჩათვლით ქვეყანაში ახალი შეზღუდვები ამოქმედდა:

• სავაჭრო ობიექტები (გარდა სურსათის, ცხოველების საკვების, აფთიაქების, ვეტაფთიაქის, საყოფაცხოვრებო ქიმიისა და ჰიგიენის მაღაზიებისა და პრესის ჯიხურებისა) მუშაობენ მხოლოდ დისტანციურ რეჟიმში;