რაგბის კავშირის პრეზიდენტის არჩევნებს ერთი კანდიდატი არალეგიტიმურად მიიჩნევს – ჩანიშნულია სხდომა
გამოქვეყნდა:
რაგბის კავშირში გამგეობის რიგგარეშე სხდომა ჩაინიშნა. გავრცელებული ინფორმაციით, სხდომაზე 30 დეკემბერს ჩანიშნულ საარჩევნო ყრილობაზე იმსჯელებენ.
სხდომამდე რაგბის კავშირს განცხადებით მიმართა პრეზიდენტობის ერთ-ერთმა კანდიდატმა, რომელიც პრეზიდენტის არჩევნებს, მის თარიღს და ლოკაციას არალეგიტიმურად მიიჩნევდა: "აღნიშნულ ლოკაციაზე ყრილობის ჩატარება შეიცავს რისკს ნამდვილ წევრებზე/დელეგატებზე ზეწოლის განხორციელებისა" – ნათქვამია ბაჩო ხურჩიძის განცხადებაში.
სხდომა კლუბ "ლელოში" გაიმართება და მას რაგბის კავშირის პრეზიდენტობის სამი კანდიდატი დაესწრება.
