წყალტუბოს მუნიციპალიტეტში ხანძრის ოთხი ახალი კერა გაჩნდა. ცეცხლი ბალახის საფარსა და ბუჩქებს სოფელ ჩუნეშში, მაღლაკში, ზარათსა და რიონში უკიდია - მათგან ხანძარი თითქმის ლიკვიდირებულია სოფელ ჩუნეშში.
ჯამში ცეცხლი 50 ჰექტარ ფართობზეა გავრცელებული. წყალტუბოს მერის ინფორმაციით, ყველა ლოკაციაზე მეხანძრე-მაშველები მუშაობენ, თუმცა ცეცხლის ქრობას ხელს ქარი უშლის. მისი თქმით, ამ ეტაპზე ხანძრის დასახლებულ პუნქტში გავრცელების საფრთხე არ არსებობს.
შეგახსენებთ, რომ ქვეყნის დასავლეთში მომრავლდა მინდვრის ხანძარი - ცეცხლი ეკალ-ბარდსა და მინდორს უკიდია.
ბოლო მონაცემები კერებისა და მიმდინარე სამუშაოების შესახებ შეგიძლიათ ნახოთ აქ.
