ბოლო ნაბიჯი გაკოტრებისკენ - რესტორატორები გაძვირებულ ენერგოტარიფებს აფასებენ

საქართველოში სარესტორნე ბიზნესი ისე, როგორც სხვა ბიზნესი უძიმეს მდგომარეობაშია. ისევ უცნობია, როდის შეძლებს ბიზნესის ეს სფერო აღდგენას და ფუნქციონირებას. 

ინდმეწარმეებზე განსაკუთრებით იმოქმედა ელექტროენერგიისა და წყლის ტარიფის მატებამ, რაც რესტორნების წარმომადგენლებს მძიმე ტვირთად დააწვებათ.

"9 მილიონი ტურისტი, რომელიც ქვეყანას ჰყავდა დღეს ჰყავს ნოლი. ეს თუა რ დაიწყება სასწრაფოდ, რეჟიმი ტურის ტიპის, პანდემიასთან ერთად ეს ურთულესი იქნება, მაგრამ პანდემიის შედეგ თუ არ დაიწყება უბრალოდ ეს სფერო აღარ იარსებებს. ამ პრობლემების გადაჭრისთვის ეს სფერო თვითონ ვერ შეძლებს მთავრობის მხარდაჭერის გარეშე", - ამბობს "რესტორნების ასოციაციის" პრეზიდენტი, შოთა ბურჯანაძე  

28 ნოემბრიდან სარესტორნო ბიზნესში დასაქმებული 120 ათასი ადამიანი სამსახურის გარეშე დარჩა, მათ სახელმწიფო ერთჯერადად 300 ლარიანი კომპენსაციით დაეხმარა. აქვე გეტყვით, რომ 2020 წლის 28 ნოემბერს, მთავრობის გადაწყვეტილებით:

• რესტორნები და კვების ობიექტები მთლიანად გადავიდნენ გატანის სერვისზე.
• სასტუმროების მუშაობა დასაშვებია მხოლოდ საკარანტინო სივრცეების მოსაწყობად;
• ასევე, გაჩერებულია სათხილამურო ტრასებისა და სათხილამურო საბაგიროების ფუნქციონირება.