ბაკურიანში, ბინების მფლობელებს აქვთ ინფორმაცია, შესაძლო დაჯარიმებაზე, შრომის ინსპეცია უარყოფს
გამოქვეყნდა:
ტურიზმის სფეროს ერთ-ერთი წარმომადგენელი დაშინების მცდელობად აფასებს ადგილობრივი მთავრობისგან მიღებულ გაფრთხილებას, რომლის მიხედვითაც ბაკურიანში ბინების მფლობელებს სტუმრების მიღება ეკრძალებათ, წინააღმდეგ შემთხვევაში 2 ათასი ლარით დაჯარიმდებიან.
"ადგილობრივი მინი-ფეოდალები ამ სიტუაციას იყენებენ სათავისოდ, ეს არის დაშინების მცდელობა ან ვიღაცის ახირება. ასევე, საკუთარი ძალაუფლების დემონსტრირებისთვის, თავიანთი საახლობლო ჯგუფის დასაქმებისთვის და სხვების ჩაძირვისთვის"- ამბობს ვატო ასათაშვილი - „ჰელისკი ჯორჯიას“ დამფუძნებელი.
შრომის ინსპექცია მსგავსი აკრძალვის დაწესებას უარყოფს, სექტორის წარმომადგენლები კი ამბობენ, რომ დადგენილი ნორმა ინტერპრეტაციის შესაძლებლობას იძლევა, რის საფუძველზე ადგილობრივი ხელისუფლება თვითნებურ გადაწყვეტილებებს იღებს.
