საქართველოს სტატისტიკის ეროვნული სამსახური 2020 წლის დეკემბრის ეკონომიკური ზრდის წინასწარ შეფასებას აქვეყნებს.
საქსტატის წინასწარი შეფასებით, 2020 წლის დეკემბერში, წინა წლის შესაბამის პერიოდთან შედარებით, მთლიანი შიდა პროდუქტის კლებამ 7.9% შეადგინა.
ასევე, საქსტატის თანახმად, 2020 წლის მთლიანი შიდა პროდუქტის საშუალო რეალური ზრდა – 6.1%–ით განისაზღვრა, ეს ნიშნავს, რომ საშუალოდ მშპ 6.1%–ით შემცირდა, ეს კი 2005 წლის შემდეგ ყველაზე საგანგაშო და დაბალი მონაცემია.
საქსტატის ანგარიშით ირკვევა, რომ 2020 წლის დეკემბერში, წინა წლის შესაბამის პერიოდთან შედარებით კლება შეინიშნებოდა შემდეგ საქმიანობებში:
- განთავსების საშუალებით უზრუნველყოფა,
- მშენებლობა,
- ხელოვნება, გართობა და დასვენება,
- დამამუშავებელი მრეწველობა,
- ტრანსპორტი და დასაწყობება,
- საბითუმო და საცალო ვაჭრობა;
- ავტომობილების და მოტოციკლების რემონტი.
ზრდა დაფიქსირდა შემდეგ სფეროებში:
- საფინანსო და სადაზღვევო საქმიანობები,
- წყალმომარაგება, კანალიზაცია, ნარჩენების მართვა და დაბინძურებისაგან გასუფთავების საქმიანობები,
- ინფორმაცია და კომუნიკაცია,
- სამთომოპოვებითი მრეწველობა.
საქტატის მიხედვით, 2020 წლის იანვარ–დეკემბერში, წინა წლის შესაბამის პერიოდთან შედარებით, 12%–ით შემცირდა საქონლის ექსპორტი, 15.9%–ით შემცირდა იმპორტი და 14.8%–ით შემცირდა საგარეო სავაჭრო ბრუნვა.
