Wizz Air მარტის ბოლოდან ფრენებს 20 მიმართულებით განაახლებს - თურნავა
გამოქვეყნდა:
ეკონომიკის მინისტრის, ნათია თურნავას განცხადებით, თებერვლიდან საქართველოს მიმართულებით ფრენები უკვე განაახლეს:
- უკრაინის საერთაშორისო ავიახაზებმა - კვირაში 2 სიხშირით;
- "ფლაი დუბაიმ" - კვირაში 4 სიხშირით;
- "ეარ არაბიამ" - კვირასი 2 სიხშირით.
ხოლო მარტის შუა რიცხვებიდან დაემატება
- "ბუტა ეარვეისი" - კვირაში 3 სიხშირით;
- "ეარ ასტანა" და "ფლაი არისტანი" - ყაზახეთის ავიახაზები.
"ვიზიარი მარტის ბოლოდან აახლებს ფრენებს განახლებულ ქუთაისის აეროპორტში და ამ მომენტისთვის არსებული ინფორმაციით, ფრენებს შეასრულებს 20 მიმართულებით, კვირაში 45 ფრენა", - თქვა ნათია თურნავამ.
მისივე განცხადებით, მარტის ბოლოდან საქართველოს ავიაბაზარზე ოპერირებას ახალი ავიაკომპანია - "ვიზიარ აბუ-დაბი" დაიწყებს.
"მარტის ბოლოდან საქართველოს ავიაბაზარზე ოპერირებას დაიწყებს ახალი ავიაკომპანია ვიზეარ აბუ-დაბი და ფრენებს შეასრულებს აბუ-დაბი-ქუთაისი-აბუ-დაბის მიმართულებით კვირაში ორი სიხშირით", - თქვა მან.
შეგახსენებთ, რომ ფრენებზე შეზღუდვა პირველ თებერვალს მოხისნა.
