"ამის გაჩერება შეუძლებელია!!!" - წერს სეისმური მონიტორინგის ეროვნული ცენტრის დირექტორი თეა გოდოლაძე და ფოტოს აქვეყნებს, რომელი ვაშლიჯვარი-ნუცუბიძის დამაკავშირებელი გზაზე, იმ ზონაშია გადაღებული, სადაც მეწყრული პროცესები გააქტიურდა.
ადგილზე დღეს უკვე სეისმოლოგები იწყებენ მუშაობას.
ინფორმაცია და ფოტომასალა, რომ დედაქალაქში ახალი მეწყრული პროცესები გააქტიურდა და საფრთხე დიდია, "ფეისბუქით" გავრცელდა. გზის აღნიშნულ მონაკვეთზე მერიამ საავტომობილო მოძრაობაც აკრძალა.
