საწვავი კიდევ გაძვირდა - დღეიდან ბენზინი სამ ლარზე მეტი ღირს. ჯერჯერობით, ეს მხოლოდ უმაღლესი ხარისხის საწვავს ეხება, მაგრამ ნავთობიმპორტიორები დარწმუნებით ამბობენ, რომ ლარის გაუფასურება, მსოფლიო ფასები და შეზღუდვები, რომლებიც საქართველოს ეკონომიკურ მდგომარეობას უკიდურესობამდე ამძიმებს, საწვავის კიდევ გაძვირებას მხოლოდ ხელს შეუწყობს.
ანტირეკორდი უახლოეს დღეებში გავლენას მოახდენს სამომხმარებლო ფასებზეც და ეკონომისტები უკვე მერამდენედ ურჩევენ ხელისუფლებას, გადადგას კონკრეტულილ ნაბიჯები ინფლაციის შესაჩერებლად.
ავტორი: ბარბარე მაზმიშვილი
