რიონის ხეობაში საპროტესტო აქცია გრძელდება. რიონის ხეობის მცველები ადგილზე დილიდან არიან შეკრებილები. მოსახლეობა კომპანია "ენკასთან" ბაზასთანაა მობილიზებული იმისთვის, რომ მძიმე ტექნიკას ტერიტორიააზე შესვლის საშუალება არ მისცეს.
"უნდა გავერკვეთ ჩვენ რა გვიპირისპირდება უფრო სრულყოფილად რომ ჩავიხედოთ, რა სახით და რა ფორმით გვიპირსპირდება ეს სიტუაცია ახლა, რომ ამის მიხედვით გადავდგათ შემდგომი ნაბიჯები.
ახლა გამძლეობაზეა საქმე და ადამიანების სტაბილურ მობილიზაციაზე და გათვლა აქვთ, რომ ამდენი ხალხი დიდი ხნით გაჩერებას ვერ შეძლებს.
კიდევ ერთხელ მინდა მოვუწოდო ყველა ჩვენს მხარდამჭერს, თუ თვლით, რომ რაღაცით უნდა დაგვეხმაროთ აქ ელემენტარული დგომა არის ძალიან მნიშვნელოვანი",- თქვა მარიტა მუსელიანმა.
ხეობის მცველებს ნამახვანის მიმართულებით გადაადგილება სურთ, თუმცა დემონსტრანტებს ხელისუფლების მიერ აღმართული ბარიკადები ტერიტორიაზე მისვლის საშუალებას არ აძლევს. ამავე თემაზე:
