თეა წულუკიანი გელათის სამონასტრო კომპლექსში იუნესკოს უცხოელი ექსპერტების ვიზიტის მოსამზადებელ სამუშაოებს გაეცნო - ინფორმაციას კულტურის სამინისტრო ავრცელებს.
სამინისტროს ინიციატივით, გელათის ძირითად ტაძარში კედლის ფერწერის სრულფასოვნად შესასწავლად ინტერიერში, ხოლო სახურავის შესასწავლად - გარე პერიმეტრზე, ხარაჩოები აღიმართა, რათა უცხოელ სპეციალისტებს ადგილზე არსებული მდგომარეობის შესწავლის საშუალება მიეცეთ - აცხადებენ უწყებაში.
შეგახსენებთ, რომ გელათში უმძიმესი ვითარებაა. არასწორად შესრულებული სამუშაოების გამო ირეცხება და ნადგურდება უნიკალური ფრესკები.
ასეთი ინფორმაციების გავრცელების გამო, წულუკიანმა მოუწოდა ყველას, "ნუ დაბოდიალობენ ხარაჩოებზე"
