"მეგობარს რომ დაურეკა, ისმოდა კივილი, ყვიროდა, გამიშვით ხელიო" | თბილისში ტურისტს ეძებენ
გამოქვეყნდა:
ჩვენთან ერთად მოიპოვეთ თავისუფლება!
მეგობარს რომ დაურეკა, ისმოდა კივილი, ყვიროდა, გამიშვით ხელიო, - ამის შესახებ თბილისში დაკარგული ავსტრალიელი ტურისტის მეგობრები ყვებიან.
სახლიდან, მთაწმინდიდან, დაახლოებით 15:33 საათზე გავიდა. დაახლოებით ერთ საათში მეგობრებს დაურეკა უცხოეთში. ყვიროდა, ამბობდა რომ თავს დაესხნენ და შველას ითხოვდა... ისმოდა კივილი, ყვიროდა, გამიშვა ხელიო და ეს არის რაც ვიცით, - ამბობენ მისი მეგობრები.
ისინი 31 წლის შანე ბრუკის კუს ტბის მიმდებარე ტერიტორიაზე ეძებენ, რომელიც არსებული ინფორმაციით, ვიდეოკამერებმა ბოლოს გუშინ, 30 ივლისს, თბილისის დროით 15:33 საათზე ვერაზე, სახლიდან გასვლისას დააფიქსირეს.
ავსტრალიელი შანაი ბრუკის დაკარგვის ფაქტზე შსს-მ გამოძიება სისხლის სამართლის კოდექსის 143-ე მუხლით დაიწყო, რაც თავისუფლების უკანონო აღკვეთას გულისხმობს. უწყების პრესსამსახურის ცნობით, საძიებო-სამაშველო ღონისძიებაში ჩართულია საგანგებო სიტუაციების მართვის სამსახური. პროცესში მონაწილეობს 100-მდე მეხანძრე-მაშველი.
ცნობისთვის, თბილისში 31 წლის ავსტრალიელ ქალს, შანე ბრუკის ეძებენ.
