ავღანეთის დედაქალაქ ქაბულში ძლიერი აფეთქება ქალაქის ე.წ. მწვანე ზონასთან მოხდა, სადაც სამთავრობო და დიპლომატიური მისიების შენობებია განთავსებული.
აფეთქებას სროლა მოჰყვა.
ქვეყნის ჯანდაცვის სამინისტროს ინფორმაციით, დაშავებულია 7 ადამიანი.
ოფიციალური ინფორმაციით, ასაფეთქებელი მოწყობილობა ავტომობილში იყო დამონტაჟებული. აფეთქების შემდეგ, შემთხვევის ადგილზე რამდენიმე შეიარაღებულმა პირმა ცეცხლი გახსნა და მშვიდობიანი მოქალაქეები ალყაში მოაქცია.
პასუხიმგებლობა ჯერჯერობით არც ერთ ტერორისტულ დაჯგუფებას არ აუღია.
