საქართველო-საბერძნეთის მატჩზე დასასწრები ბილეთები ერთ დღეში გაიყიდა. შეხვედრა 9 ოქტომბერს, 22:00 საათზე ბათუმის ახალ არენაზე გაიმართება.
ბილეთების გაყიდვა, 6 ოქტომბერს დღის 12:00 საათზე დაიწყო და მათი რაოდენობა დღის ბოლოს ამოიწურა.
საკოორდინაციო საბჭოს გადაწყვეტილებით ფიფას 2022 წლის მსოფლიო ჩემპიონატის საკვალიფიკაციო ეტაპის შეხვედრას გულშემატკივართა შეზღუდული რაოდენობა - 33% დაესწრება.
მატჩზე დასწრების მსურველებმა უნდა წარმოადგინონ:
- ვაქცინაციის დამადასტურებელი დოკუმენტი,
- 72 საათიანი ვალიდურობის PCR ტესტი,
- 24 საათიანი ვალიდურობის ანტიგენ ტესტის უარყოფითი პასუხი,
- ბოლო 6 თვის განმავლობაში კორონავირუსის გადატანის დამადასტურებელი ცნობა.
აღნიშნული ვრცელდება არასრულწლოვან პირებზეც.
