ბათუმის ტრაგედიასთან დაკავშირებით, საქართველო-საბერძნეთის მატჩი მაყურებლის გარეშე ჩატარდება
გამოქვეყნდა:
ბათუმის ტრაგედიასთან დაკავშირებით, დღევანდელი საფეხბურთო მატჩი საქართველოსა და საბერძნეთის ნაკრებებს შორის, მაყურებლის გარეშე ჩატარდება:
"ბათუმში, 26 მაისის ქუჩაზე, საცხოვრებელი კორპუსის ნგრევის შედეგად მომხდარ ტრაგედიასთან დაკავშირებით, დღეს ბათუმში დაგეგმილი საქართველო-საბერძნეთის საფეხბურთო მატჩი მაყურებლის გარეშე ჩატარდება.
საკოორდინაციო საბჭოს 5 ოქტომბრის გადაწყვეტილება, მატჩზე მაყურებლის 33%-ის დაშვების შესახებ, ძალადაკარგულად გამოცხადდა.
მაყურებელს ბილეთებში გადახდილი თანხა უკან დაუბრუნდება. მატჩზე დასწრებას შეძლებს მხოლოდ საბერძნეთის დელეგაცია, რომელიც უკვე ბათუმში იმყოფება და საქართველოს ფეხბურთის ფედერაციის წარმომადგენლები“, – აღნიშნულია უწყებათაშორისი საკოორდინაციო საბჭოს განცხადებაში.
