გამოხატულია წონასწორობის დარღვევა, სისუსტე, დეპრესია და ანემია - კონსილიუმის წევრი ექიმი მიხეილ სააკაშვილზე
გამოქვეყნდა:
პაციენტის მდგომარეობა საყურადღებო რჩება - არის ნევროლოგიური სიმპტომატიკა, რომელიც 12 დეკემბრის ვიზიტის შემდეგ არ გაუმჯობესებულა - განაცხადა ომბუდსმენის ეგიდით შექმნილი სამედიცინო კონსილიუმის წევრმა ექიმმა თენგიზ წულაძემ შემაჯამებელი დასკვნის წარდგენაზე.
მედიკოსების საერთო შეფასებაა, რომ მიხეილ სააკაშვილთან არ მიმდინარეობს საჭირო ფსიქორეაბილიტაცია, შესაბამისად მდგომარეობაც არ უმჯობესდება:
გამოხატულია პოლინეიროპათიის და მხედველობითი სიმპტომატიკა, წონასწორობის დარღვევა, სისუსტე. რჩება პოსტტრავმული სტრესული აშლილობა, დეპრესია და ანემია, რომელიც მანამდეც იყო, - განაცხადა წულაძემ.
