ყველაფერს ვიფიქრებდით, მაგრამ სიტყვა სამძიმარს რომ ვერ გაიმეტებდნენ, ვერა - ესმა ბაღათურია ხელისუფლებაზე
გამოქვეყნდა:
ჩვენთან ერთად მოიპოვეთ თავისუფლება!
ყველაფერს ვიფიქრებდით, მაგრამ სიტყვა სამძიმარს რომ ჩვენთვის ვერ გაიმეტებდნენ ვერა, თუნდაც ჩვენი აფხაზეთის მთავრობა, პრემერმინისტრი, ჯანდაცვის მინისტრი, ამას თუ გააკეთებდნენ, სიტყვა სამძიმარი 7 ასოსგან შედგება და ეს ვერ გაიმეტეს ჩვენთვის - ამბობს "მთავარი არხის" პირდაპირ ეთერში, "მთავარის" 9 საათიან გამოშვებაში ჩართვისას სანატორიუმ ქართლის მცხოვრები, დევნილი ესმა ბაღათურია.
ზურაბ ქირია, რომელმაც პროტესტის ნიშნად სიცოცხლე თვითმკვლელობით დაასრულა, დღეს დაკრძალეს. დევნილებისთვის არავის მიუსამძიმრებია.
უკვე ორშაბათიდან კუთვნილი ბინების მოთხოვნით, ისინი აქციებს იწყებენ:
"12 საათზე ვიქნებით ჯანდაცვის სამინისტროსთან, ყველაფერს გავაკეთებთ, რომ ზურას სისხლმა უკვალოდ არ ჩაიაროს. ეს შეიძლება გაგრძელდეს თვეები, მაგრამ გავაკეთებთ იმას, რაც მან პირადად ჩემთვის გააკეთა. ის ხომ პირადად ჩემთვის, ესმას გულისთვისაც გადმოხტა და გაწირა თავი?" ამბობს ესმა ბაღათურია.
იხილეთ ასევე:
რუსლან აბაშიძე დაცვამ კაბინეტში ჩაკეტა და დერეფანი ჩააბნელა - დამალული და გაპარული ჩინოვნიკი
