NATO-ს აღმოსავლეთით გაფართოების შეჩერებაზე აშშ-ის პასუხი დადებითი არ არის - ლავროვი
გამოქვეყნდა:
ამ დოკუმენტში არ არის დადებითი რეაქცია მთავარ საკითხზე - ამის შესახებ რუსეთის საგარეო საქმეთა მინისტრი ამბობს და რუსეთის ე.წ. უსაფრთხოების მოთხოვნებზე აშშ-ს მიერ წერილობით გაცემულ პასუხს ეხმაურება. აღსანიშნავია, რომ კრემლი NATO-ს აღმოსავლეთით გაფართოების შეჩერებას ითხოვდა.
ამ დოკუმენტში არ არის დადებითი რეაქცია მთავარ საკითხზე. მთავარი საკითხი კი ჩვენი მკაფიო პოზიციაა, მომავალში NATO-ს აღმოსავლეთით გაფართოებისა და რუსეთის ტერიტორიისთვის შესაძლო საფრთხის შემქმნელი საიერიშო შეიარაღების განთავსების დაუშვებლობაზე, - ამბობს ლავროვი.
ლავროვი ამბობს იმასაც, რომ რუსეთის შემდგომ ნაბიჯებზე გადაწყვეტილებას უკვე პუტინი მიიღებს.
იხილეთ ასევე:
