თორნიკე შენგელია რუსეთის არმიის სპორტული კლუბის კალათბურთელი ხდება - ინფრომაციას ევროპული ინტერნეტ-გამოცემა "ევროჰოპსი" ავრცელებს.
წყაროს თანახმად, ტრანსფერის დეტალებზე მძიმე მოლაპარაკებების შემდეგ ცსკა-სა და "ბასკონიას" შორის შეთანხმება შედგა და საქართველოს ნაკრების კაპიტანი, უახლოეს მომავალში, სავარაუდოს, მოსკოვში გადაბარგდება.
ვებგვერდი ირწმუნება, რომ შენგელია ცსკა-სთან სამწლიან კონტრაქტს გააფორმებს, ფინანსური დეტალები კი არ ხმაურდება. თორნიკე შენგელიამ "ბასკონიაში" ექვსი წელი გაატარა და ბოლოს ესპანეთის ჩემპიონის ტიტულსაც დაეუფლა. ცსკა რუსეთის ყველაზე მდიდარი და სახელმწიფო დოტაციაზე მყოფი კლუბია.
