კომუნიკაციების კომისიის გადაწყვეტილება დაუსაბუთებელია და აუარესებს მედიაგარემოს - მედიაკოალიაცია
გამოქვეყნდა:
კომუნიკაციების კომისიის გადაწყვეტილება დაუსაბუთებელია და მნიშვნელოვნად აუარესებს მედიაგარემოს საქართველოში - ნათქვამია მედიის ადვოკატირების კოალიციის განცხადებაში, რომლითაც ორგანიზაცია ბექაურის კომისიის დღევანდელ გადაწყვეტილებას ეხმაურება.
მედიის ადვოკატირების კოალიცია მიიჩნევს, რომ კომუნიკაციების კომისიის 2022 წლის 23 აგვისტოს გადაწყვეტილება სამი კრიტიკული მაუწყებლის “ფორმულას”, “მთავარი არხის” და “ტელეკომპანია პირველის” მიმართ პოლიტიკური ხასიათისაა და არ ემყარება სამართლებრივ საფუძვლებს.
კომისიის მიერ მიღებული გადაწყვეტილება ეწინააღმდეგება თბილისის საქალაქო სასამართლოს მიერ დადგენილი პრაქტიკას , რომლითაც მსგავსი დარღვევის დასადგენად, პირველ ყოვლისა, შეფასებული უნდა ყოფილიყო საეთერო ბადეში განთავსებული რეკლამის წინასაარჩევნო/პოლიტიკური მახასიათებლები და მისი ფორმალური მხარე. კამპანია “შინ ევროპისკენ” სახელით გავრცელებულ სადავო რგოლში კი არ ჩანს არცერთი სარჩევნო სუბიექტი - საჯარო ხელისუფლების თანამდებობის არცერთი კანდიდატი. შესაბამისად, კუმულაციური პირობებს, რომელთა ერთობლიობაც წინასაარჩევნო რეკლამად შეფასების შესაძლებლობას შექმნიდა, მასალა ვერ აკმაყოფილებს.
ტელეკომპანია “ფორმულას” ინტერესებს კოალიციის წევრი ორგანიზაცია - საქართველოს დემოკრატიული ინიციატივა (GDI) იცავს. გამომდინარე იქედან, რომ კომუნიკაციების კომისიის გადაწყვეტილება მნიშვნელოვნად აუარესებს მედიაგარემოს საქართველოში, მედიის ადვოკატირების კოალიციის წევრი ორგანიზაციები დავის სასამართლოში გაგრძელების ეტაპზეც მზად არიან დაიცვან მაუწყებლების ინტერესები." ნათქვამია განცხადებაში.
შეგახსენებთ, მარეგულირებელმა დღეს „ტვ პირველი“ და „ფორმულა“ გააფრთხილა, ხოლო „მთავარი არხი“ წლიური შემოსავლის 1%-ით, ანუ 118 ათას 688 ლარით დააჯარიმა.
კომისიამ პოლიტიკურ რეკლამად მიიჩნია "შინ ევროპისკენ" ვიდეორგოლი, რომელიც 24 ივნისის აქციისთვის მომზადდა და არასაარჩევნო პერიოდში მისი ეთერში გაშვებისთვის, მედია დაასანქცირა.
ამავე თემაზე:
