მოსკოველებმა ყველაფრის მოგვარება მოახერხეს - საქართველოს კალათბურთის ფედერაცია
გამოქვეყნდა:
ჩვენთან ერთად მოიპოვეთ თავისუფლება!
მოსკოველებმა ყველაფერი მოაგვარეს - საქართველოს კალათბურთის ფედერაცია ნაკრების კაპიტანის თორნიკე შენგელიას მოსკოვის ცსკა-ში გადასვლაზე კომენტარს აკეთებს.
შეგახსენებთ, რომ შენგელიას ესპანურ ბასკონიასთან კონტრაქტი 2022 წლამდე აკავშირებდა, თუმცა, მოსკოველებმა ყველაფრის მოგვარება მოახერხეს. ქართველი ლეგიონერი ბასკურ კლუბში 2014 წლიდან თამაშობდა და სულ ახლახანს, მისმა კლუბმა 10-წლიანი პაუზის შემდეგ ესპანეთის ჩემპიონის ტიტული მოიპოვა, - ვკითხულობთ ფედერაციის ოფიციალურ ვებ გვერდზე.
თავად ევროლიგის მოქმედი ჩემპირონი, მოსკოვის ცსკა საკუთარ გვერდზე ქართველი კალათბურთელის კომენტარს აქვეყნებს:
ბედნიერი ვარ, რომ ევროლიგის მოქმედ ჩემპიონში ჩავირიცხე და მოუთმენლად ველი იმ დროს, როდესაც ჩინებული სამწვრთნელო შტაბის ხელმძღვანელობით, დიდებული კალათბურთელების მხარდამხარ თამაში მომიწევს. იმედი მაქვს, რომ ცსკა-სთან ერთად, ევროლიგასა და VTB-ლიგაში დიდ წარმატებებს მივაღწევ, - წერს საქართველოს კალათბურთის ნაკრების კაპიტანი.
შეგახსენებთ, რომ თორნიკე შენგელია ესპანეთის გუნდ "ბასკონიადან" სათამაშოდ ევროლიგის მოქმედ ჩემპიონ მოსკოვის ცსკა-ში გადავიდა.
