ვაკის პარკის ტრაგედიის საქმეზე დაკავებული 9 პირის სასამართლო საღამოს 7 საათზე ჩაინიშნა. თბილისის საქალაქო სასამართლოს მოსამართლემ დაკავებულების მიმართ აღკვეთის ღონისძიების შეფარდებაზე უნდა იმსჯელოს. პროკურატურა ყველა მათგანისთვის 2 თვიანი წინასწარი პატიმრობის შუამდგომლობას აყენებს, ხოლო ადვოკატები გირაოს სანაცვლოდ გათავისუფლებას მოითხოვენ და ამბობენ, რომ არ არსებობს გამოძიებისთვის ხელის შეშლის, ან მიმალვის საფრთხე მათი დაცვის ქვეშ მყოფების მხრიდან.
9 პირი შსს-მ მოსამართლის განჩინების საფუძველზე 18 ოქტომბერს დააკავა. პროკურატურამ ბრალი ოფიციალურად გუშინ, 19 ოქტომბერს წაუყენა.
დაკავებულებს შორის არიან მერიის გარემოს დაცვის საქალაქო სამსახურის უფროსის მოადგილე და კომპანია "გრინესრვის პლიუსის" დირექტორი, ლაშა ფურცხვანიძე.
