"რედისონ ბლუ ბათუმის" ერთერთ სტუმარს კოვიდ 19 ოფიციალურად დაუდასტურდა. სასტუმროს ადმინისტრაციაში განმარტავენ, რომ მას გამოხატული სიმპტომები არ ჰქონია. ტესტირება ასევე ორჯერ ჩაუტარდა მის თანმხლებ და მასთან შეხებაში მყოფ ყველა პირს, მათი ტესტების პასუხები უარყოფითია. ყველა მათგანი გადაყვანილია კარანტინში, დაკვირვების ქვეშ.
"რედისონის" გენერალური მენეჯერის ფიქრეთ იუქსელის თქმით, სტუმარმა საზღვარი წესების სრული დაცვით გადმოკვეთა, მას PCR ტესტი საკუთარ ქვეყანაშიც და საქართველოშიც ჰქონდა ჩატარებული. ვირუსი კი, მას მე-3 ტესტირების დროს დაუდგინდა. მისი თქმით, სასტუმროს პროტოკოლის შესაბამისად, ყველა სტუმარს PCR ტესტი უტარდება.
სასტუმროს ადმინისტრაცია თანახმად, "რედისონი" ამ დროისთვის კვლავ ჩვეულ რეჟიმში განაგრძობს მუშაობას და ემსახურება ტურისტებს.
შეგახსენებთ, 23 ივლისის მონაცემებით საქართველოში კოვიდ 19-ის სულ 1085 შემთხვევაა დადასტურებული, 16 გარდაიცვალა, 911 ადამიანი კი, გამოჯანმრთელდა.
მსოფლიოში კორონავირუსით ინფიცირებულთა რაოდენობამ კი, 22 ივლისის, მონაცემებით 15 მილიონს გადააჭარბა.
