ბოდიში მომიხადა და მითხრა, რომ ეს გააკეთებინეს და მისი სურვილი არ იყო ჩემი აცილება - კობაიძე ესებუაზე
გამოქვეყნდა:
ბადრი ესებუაზე მიმდინარეობს კოლოსალური ზეწოლა - განაცხადა ადვოკატმა ალექსანდრე კობაიძემ სასამართლო სხდომიდან გამოსვლის შემდეგ.
დღევანდელ პროცესზე მოსამართლემ წაიკითხა ბადრი ესებუას განცხადება, სადაც ის უარს ამბობს, მისი ინტერესები კობაიძემ დაიცვას.
ადვოკატი აცხადებს, რომ ესებუას უარის ათქმევინეს:
„როგორც ვვარაუდობდი, დადასტურდა პროცესზე, რომ ბადრი ესებუაზე მიმდინარეობს კოლოსალური ზეწოლა. დღეს დადასტურდა, რომ მას ათქმევინეს, რომ ერთ-ერთი ადვოკატი ალექსანდრე კობაიძე უნდა აეცილებინა. ეს არის არნახული ზეწოლა, რომელიც ამ შემთხვევაში ხორციელდება მასზე.
რომ ვემშვიდობებოდი, ბოდიში მომიხადა და მითხრა, რომ ეს მისი სურვილი არ იყო და ეს გააკეთებინეს. " თქვა კობაიძემ.
ადვოკატის თქმით, ის ამ საკითხზე ესებუას ციხეში მოინახულებს და გაესაუბრება.
