ხმაური ნარკოლოგიურ კლინიკაში - მეტადონის პროგრამაში ჩართულ პაციენტებს ტერიტორიას ატოვებინებენ
გამოქვეყნდა:
ხმაურია ნარკოლოგიური კლინიკის ეზოში - კლინიკის ადმინისტრაციის გადაწყვეტილებით, მეტადონის პროგრამაში ჩართულ პაციენტებს ტერიტორიას ატოვებინებენ. ეს გადაწყვეტილება ნარკოლოგიური კლინიკის ადმინისტრაციამ მას შემდეგ მიიღო, რაც გუშინ ტერიტორიაზე დაპირისპირება მოხდა.
პაციენტები კლინიკის ხელმძღვანელობას მკურნალობის გაგრძელებას სთხოვენ.
პოლიციაა ამოსული ზევით და გვეუბნებიან, რომ უნდა გაგქაროთ აქიდანო... ვართ სამკურნალოები და გვყრიან აქიდან. არაფრის გამო გვიშვებენ, უბრალოდ, შეკამათება მოხდა რაღაცა შიგნით, დამლაგებელს მიაყენეს შეურაცხყოფა და პაციენტებს მოუვიდათ შელაპარაკება მაგის გულისთვის. ტყუილად რაღაცებს გვაბრალებენ, - ამბობს ერთ-ერთი პაციენტი.
ადგილზე ამ დრომდე საპატრულო პოლიციაა მობილიზებული.
