სახელმწიფო ქონების მოტყუებით დაუფლებისთვის კომპანიის ხელმძღვანელი დავაკავეთ - საგამოძიებო სამსახური
გამოქვეყნდა:
ფინანსთა სამინისტროს საგამოძიებო სამსახურის ინფორმაციით, ყალბი დოკუმენტების დამზადება-გამოყენების გზით, სახელმწიფო ქონების მოტყუებით დაუფლების ბრალდებით ერთ-ერთი კომპანიის ხელმძღვანელი დააკავეს.
გამოძიებით დადგინდა, რომ ბრალდებულმა, კახეთის მუნიციპალიტეტის დაკვეთით განახორციელა საბავშვო ბაღის სახურავის სარეაბილიტაციო სამუშაოები, რა დროსაც, უკანონო მატერიალური სარგებლის მიღების მიზნით, დოკუმენტაციაში ხელოვნურად გაზარდა რეალურად შესრულებული სამუშაოების მოცულობები, რითაც მართლსაწინააღმდეგოდ დაეუფლა სახელმწიფო ქონებას - 7 303 ლარის ოდენობით - წერია უწყების განცხადებაში.
უწყების ინფორმაციით, გამოძიების პროცესში ბრალდებულის მიერ მიყენებული ზიანი სრულად იქნა ანაზღაურებული.
