ადვოკატის ინფორმაციით, სქესობრივ დანაშაულში ბრალდებულ 63 წლის კაცს, სავარაუდოდ, გულის შეტევა აქვს
გამოქვეყნდა:
იზოლატორში, სადაც სქესობრივი დანაშაულის ბრალდებით დაკავებული კაცია მოთავსებული, სასწრაფო დახმარების ჯგუფია მობილიზებული. ადვოკატის თქმით, 63 წლის მამაკაცს სავარაუდოდ, გულის შეტევა აქვს. კაცი კლინიკაში გადაჰყავთ. მისთვის ბრალის წარდგენა ამ მიზეზის გამო ვერ მოხერხდა.
შეგახსენებთ, 63 წლის კაცი 15 წლის გოგოს მიმართ სექსუალური ხასიათის დანაშაულის ჩადენას ედავებიან. მომხდარზე გამოძიება სისხლის სამართლის კოდექსის 138-ე მუხლით მიმდინარეობს. თავად ბრალდებული დანაშაულის ჩადენას არ აღიარებს.
