"ეგონა, რომ ცოლი მოკლა და თვითონაც თავი მოიკლა" | იმერეთში მომხდარის ახალი დეტალები
გამოქვეყნდა:
საზარელი შემთხვევა ქუთაისთან ახლოს, წყალტუბოს მუნიციპალიტეტის სოფელ ბანოჯაში. ახალგზარდა ქალს ყოფილმა ქმარმა ცივი იარაღით 10-ზე მეტი ჭრილობა მიაყენა, შემდეგ კი სიცოცხლე თვითმკვლელობით დააასრულა. არსებული ინფორმაციით, კაცს ყოფილ ცოლთან შერიგება სურდა, უარის შემდეგ კი მათ შორის სიტყვიერი კამათი სისხლიან გარჩევაში გადაიზარდა.
"დაუნახავთ, კაცი ყოფილ ცოლს ეჩხუბებოდა და შერიგებას სთხოვდა, მერე უცებ დანა ამოუღია და 12-ჯერ დაურტყია, ამის შემდეგ ეგონა, რომ ცოლი მოკლა და თვითონაც თავი მოიკლა. ეს ქალი ქმართან ნაჩხუბარი იყო და ბანოჯაში დასთან იყო,"- ამბობს მეზობელი.
უგონო მდგომარეობაში მყოფი ქალი სასწრაფო სამედიცინო დახმარების ბრიგადამ კლინიკაში გადაიყვანა. 37 წლის პაციენტი ამ დროისთვის რეანიმაციულ განყოფილებაში რჩება. დაზარალებულის მდგომარეობა კრიტიკულად მძიმეა. გარდაცვლილი მამაკაცის ცხედარი კი უკვე მშობლიურ სოფელში, ხობშია გადასვენებული.
