ინფექციური საავადმყოფოს სამედიცინო დირექტორის, მაირნა ეზუგბაიას თქმით, დღეს, 31 ივლისს კორონავირუსით ინფიცირებული 8 ახალი პაცინტიდან 1 სამედიცინო პერსონალია.
რვა შემთხვევიდან ხუთი გახლავთ შემოტანილი შემთხვევაა, აქედან ორი სატვირთო ავტომანქანის მძღოლია, ერთი დადასტურებული შემთხვევის წყარო გაჩიანია, კიდევ ერთი დადასტურებულ შემთხვევასთან კონტაქტია, და ერთი შემთხვევა არის სამედიცინო პერსონალი, – თქვა მარინა ეზუგბაიამ.
ეზუგაბიას თქმით, მის კლინიკაში ამ ეტაპზე 41 კორონავირუსით ინფიცირებული პაციენტი მკურნალობს.
31 ივლისს საქართველოში კორონავირუსით ინფიცირების 8 ახალი შემთხვევა გამოვლინდა და 5 ადამიანი გამოჯანმრთელდა. ამის შესახებ ინფორმაციას დაავადებათა კონტროლის ეროვნული ცენტრი ავრცელებს.
ბოლო მონაცემებით საქართველოში:
- კორონავირუსის ინფიცირებულია - 1 168 ადამიანი;
- გამოჯანმრთელებულია - 940;
- მათ შორის გარდაცვლილია - 17;
- კარანტინის რეჟიმში რჩება - 6 498;
- სტაციონარში მეთვალყურეობის ქვეშ - 327, მათ შორის საქართველოში სამკურნალოდ გადმოყვანილია - 41 პაციენტი.
შეგახსენებთ, რომ კორონავირუსის პირველი დადასტურებული შემთხვევა საქართველოში 26 თებერვალს გამოვლინდა.
30 ივლისს მსოფლიოში კორონავირუსით ინფიცირების მაჩვენებელმა 17 მილიონს გადააჭარბა.
